USAID-ის საგრანტო კონკურსში 15 წლის რუსთაველმა მოსწავლემ გაიმარჯვა
15 წლის ნატალია გოგიძე, რუსთავის მე-20 სკოლის მოსწავლეა. მან USAID-ის სამოქალაქო განათლების პროგრამის საგრანტო კონკურსში გაიმარჯვა.
ნატალია განახორციელებს პროექტს ,,სწორი არჩევანი.’’ ინიციატივის სამიზნე ჯგუფი 9-12 კლასის მოსწავლეები არიან. პროექტი მათ დაეხმარებათ პროფესიების არჩევაში.
ინიციატივის ფარგლებში ტრენინგები ჩატარდება შემდეგი პროფესიების შესახებ: იურიდიული, სამედიცინო სფერო, გადაუდებელი დახმარება, თეატრალური, პროგრამდეველოპმენტი და ფსიქოლოგია. ამასთანავე, პროექტი მოიცავს აქტივობებს: იმიტირებული სასამართლო პროცესი, ვიზიტი რუსთავის საქალაქო სასამართლოში, ვიზიტი 112-ში, პირველადი დახმარების სწავლება და იმპროვიზაციული სპექტაკლი.
„ მსურს ვაკეთო ის, რაც მსიამოვნებს და ასევე გავეცნო ახალ შესაძლებლობებს, რაც პიროვნულ ზრდაში დამეხმარება. ვარ ანსამბლ ,,კავკასიონი“-ს წევრი რვა წელია, ამასთანავე გახლავართ სკოლის სამოქალაქო კლუბის ხელმძღვანელი , ,,Access program”- ის მონაწილე. ასევე, ყოველთვის ვცდილობ გამოვნახო დრო, რომ ვიყო ნაწილი ისეთი შესანიშნავი ორგანიზაციების პროექტებისა თუ პროგრამების, როგორიც არის ,,სიქა” და ,,ამერიკული კუთხე.” – ნატალია გოგიძე.
ინფორმაცია პროექტში ,,სწორი არჩევანი’’ მონაწილეობის მსურველთათვის:
- სარეგისტრაციო ფორმაში შეგიძლიათ მიუთითოთ 1-ზე მეტი მიმართულება რაზეც დასწრება გსურთ.
- თითოეულ პროფესიაზე დასასწრებად შეირჩევა 50-60 ადამიანი.
- პროექტის შეხვედრები წარიმართება ქალაქ რუსთავის დემოკრატიული ჩართულობის ცენტრში.
- შეხვედრები გაიმართება შაბათ-კვირას .
- შეხვედრების ხანგრძლივობა 2-3 საათი.
- ტრენინგის თითოეული მონაწილე, რომელიც სრულად დაესწრება მინიმუმ ერთი მიმართულების ტრენინგ(ებ)ს მიიღებს სერტიფიკატს.
- სურვილის შემთხვევაში მონაწილეებს საშუალება მიეცემათ შეისწავლონ CV-ს და სამოტივაციო წერილის დაწერა .
- სარეგისტრაციო ფორმის შევსების ბოლო ვადაა 25.02.2023წ
კითხვების შემთხვევაში მიმართეთ ნატალიას ელექტრონულ მისამართზე: natagogidze659@gmail.com