14.08.2022 სიღრმისეული ჟურნალისტური ნამუშევრები

2 ტონა 25 ლარი – მარტყოფში სასმელ წყალს კვლავ ყიდულობენ

გარდაბნის მუნიციპალიტეტის სოფელი მარტყოფი, საქართველოში ერთ-ერთი უდიდესი და უძველესი სოფელია. მარტყოფში დღეს  7400-მდე ადამიანი ცხოვრობს. სოფლის ცენტრალურ გზებზე ავტომობილები აქტიურად გადაადგილდებიან, ხალხმრავლობაა ქუჩებში – მუშაობს არა ერთი კომერციული ობიექტი. მარტყოფს აქვს ორი საბავშვო ბაღი და ორი სკოლა. სოფელი ცნობილია, როგორც უძველესი ასევე ახალი აგებული ეკლესიებით, რომელთაც მთელი წლის მანძილზე, არა ერთი ადამიანი სტუმრობს.

თუმცა სიცოცხლით სავსე სოფელში, ადგილობრივების ნაწილს, სასმელი წყლის ყიდვა უწევს.

ნინო წიკლაური ერთ-ერთი აქ მცხოვრებთაგანია, რომელსაც ეს პრობლემა უკვე ექვსი თვეა აწუხებს. გვიყვება, რომ გასული წლის ოქტომბრიდან დღემდე, სასმელი წყლის შეძენა, ყოველდღიურად, უწევს.

„წყლის პრობლემა გვაქვს ძალიან დიდი, პირადად ჩემთან ოქტომბრის მერე წყალი აღარ ყოფილა. საიდანაც მოედინება იქ ეტყობა, რაღაც ქანებმა ცვლილება განიცადა-ო და ბასეინში აღარ გროვდება-ო, სადაც წყალი უნდა მოგროვდეს და განაწილდეს უბნების მიხედვით, – ამას აბრალებენ. წყალს ვყიდულობთ, ასეთ დღეში ვართ. გვპირდებიან რომ მალე იქნება. როგორც ვიცი დიდი თანხებია გამოყოფილი და კეთდება. საცხენე-ახალსოფელს აქვს და მარტყოფი-ნორიოც ჩავერთვებით მალე, ასე გვეუბნებიან“, –  საუბრობს, ადგილობრივი ნინო წიკლაური.

სოფელში სასმელი წყლის პრობლემაზე გვიყვება, 68 წლის გოდერძი მარუშაშვილიც.

„სოფელში რომ წყალი არ არის და წყალს რომ იყიდი ამხელა სოფელში, ეს სოფელია?! ეს არის უკეთესობა?! ვყიდულობთ წყალს. ჯერ ისე გაჭირვებაა, უფულობაა. საჭმლის ყიდვა უჭირს ხალხს და მით უფრო, რომ წყალიც უნდა იყიდო. ამისთანა უპატრონო სოფელი მგონი არსად არის საქართველოში“, – ამბობს ადგილობრივი გოდერძი მარუშაშვილი.

„შემოჰყავთ-ო წყალი-ო, მაგრამ როდის იქნება არ ვიცი, მრიცხველებსაც დავაყენებთ-ო, მაგრამ არ ვიცი.. ფაქტია რომ ჯერ ისევ ვყიდულობთ წყალს“, – აღნიშნავს კიდევ ერთი ადგილობრივი, რომელიც საუბარში გვერთვება.

მიუხედავად იმისა, რომ სოფლის გარკვეულ ნაწილს, წყლის მიწოდების პრობლემა არა აქვს, გვიხსნიან რომ საკითხი მაინც მთელი სოფლის სატკივარია.

„ მართალია ჩვენ უბანში არის წყალი, მაგრამ სოფელში ზოგადად სასმელი წყლის პრობლემაა. ჩვენ, დილის საათებში მაინც მოგვეწოდება, მაგრამ გვერდით უბანში მცხოვრები ოჯახების უმეტესობა წყალს ყიდულობს ან წყაროდან ეზიდება“,  – ამბობს 47 წლის თამუნა ბედიანაშვილი.

მარტყოფის ცენტრში, სამარშუტო ტაქსს ვხედავთ წარწერით: „წყალი“. ადამიანი, რომელიც წყალს ყიდის გვიხსნის, რომ ამ კომერციულ საქმიანობაში მის გარდა სხვებიც არიან ჩართული.

„თითქმის ორჯერ, სამჯერ ჩამომაქვს წყალი, ეს მარტო მე, მაგრამ სხვებიც არიან. ორი ტონა წყალი 25 ლარი ღირს, დღეში მაქსიმუმ სამი რეისი მომაქვს.  საერთო ჯამში, 6 ტონა წყლის გაყიდვა მიწევს დღიურად. წლებია უკვე მარტყოფში ეს პრობლემაა“, – ამბობს წყლის გამყიდველი ახალგაზრდა.

სასმელი წყლის პრობლემასთან დაკავშირებით, გარდაბნის მუნიციპალიტეტის მერიას მივმართეთ. მერიის ინფრასტრუქტურის სამსახურის ხელმძღვანელი, ვახტანგ გაგუა ამბობს, რომ საკითხის შესახებ ინფორმირებული არიან და მის მოსაგვარებლად, შესაბამისი სამუშაოებიც 2017 წლიდან მიმდინარეობს. პროექტს, მერია მუნიციპალური ფონდის დახმარებით ახორციელებს.  გვიხსნის, რომ მარტყოფთან ერთად გამრიცხველიანება, კიდევ ოთხ სოფელში – ნორიოში, ახალსოფელში, ვაზიანსა და ახალ სამგორში იგეგმება.

„ ამ დროისთვის, მიმდინარეობს წყალმომარაგების პროექტის მეორე ეტაპის სამუშაოები, სარეზერვო ბასეინების გაკეთება და მაგისტრალური ხაზების მთლიანად ჩაწყობა, რომელიც უახლოეს თვეებში სრულდება.

მესამე ეტაპის ტენდერიც ცხადდება დღე-დღეზე, შეიძლება ერთ კვირაშიც გამოცხადდეს, რომელიც მოიცავს გამრიცხველიანების სამუშაოებს და შიდა დაქსელვას. მესამე ეტაპის დასრულების ვადა, სავარაუდოდ, წელიწად-ნახევარი იქნება. რვა ათას ოჯახში გვაქვს შესაყვანი ინდივიდუალურად მრიცხველი, – ეს მხოლოდ მარტყოფში.

პროექტის დასრულებას დრო სჭირდება. ხალხის მდგომარეობაშიც შევდივართ, მაგრამ ის ხალხიც უნდა შემოვიდეს ჩვენ მდგომარეობაში. მაგათთვის კეთდება და საბოლოოდ კეთდება იმისთვის, რომ რაიონში აღმოიფხვრას წყლის პრობლემა“, – აცხადებს, გარდაბნის მერიის ინფრასტრუქტურის სამსახურის ხელმძღვანელი, ვახტანგ გაგუა.

სასმელი წყლის გარდა მარტყოფში საყოფაცხოვრებო და სამშენებლო ნარჩენების მართვით კუთხითაც სირთულეებია.

ეს პუბლიკაცია შექმნილია ევროკავშირის მხარდაჭერით. მის შინაარსზე სრულად პასუხისმგებელია “ქვემო ქართლის მედია” და შესაძლოა, რომ იგი არ გამოხატავდეს ევროკავშირის შეხედულებებს.

ავტორი: ნინო ბერიძე

QvemoQartli.ge

მასალის გამოყენება შეგიძლიათ, მხოლოდ, საიტის მითითებით

Related Posts

დიდი ქალაქების მეზობელი სოფლის პრობლემა / Böyük şəhərlərin qonşuluğunda yerləşən Poladaantkari kəndinin problemləri

ფოლადაანთკარში გზას, წყალს და საბავშვო ბაღს ითხოვენ გარდაბნის მუნიციპალიტეტის სოფელი ფოლადაანთკარი, დასახლებად 2008 წლიდან დაარეგისტრირეს. მანამდე, მეტალურგიული ქარხნის „დაჩების“ სახელით...

,,რუსთავის საპატრულო პოლიციამ დაიცადა, სანამ კარგად გვცემდნენ და შემდეგ მათ ნაცვლად ჩვენ დაგვაკავა“ – ინციდენტი რუსთავში –

22 სექტემბერს რუსთავში ,,ქართული ოცნების” პლაკატების გასაკრავად გასულ კოალიციის აქტივისტებს ფიზიკურად გაუსწორდნენ. როგორც დაზარალებულები იხსენებენ, მათ თავდაპირველად ბოძებზე პლაკატების გაკვრისთვის...

მუნიციპალიტეტების გამჭვირვალობისა და ანგარიშვალდებულების 2021 წლის შეფასება – ძირითადი მიგნებები

საქართველოს მუნიციპალიტეტების გამჭვირვალობისა და ანგარიშვალდებულების 2021 წლის ეროვნული შეფასების შედეგების მიხედვით, შეფასების 100%-იან სკალაზე მუნიციპალიტეტების საშუალო შედეგი 28%-ია, რაც უთანაბრდება...

მეორე ქესალო – „ ჩვენ ფაქტობრივად ვეღარ ვეწევით სოფლის მეურნეობას“

სოფელი მეორე ქესალო საქართველო-აზერბაიჯანის საზღვართან სიახლოვეს მდებარეობს. დასახლება საგრძნობლად შესამჩნევი უსწორმასწორო რელიეფით გამოირჩევა. სოფელი ცნობილია, თავისი მწვანე გუმბათიანი მეჩეთით, რომელიც...

ამომრჩევლებს, მეორე ტურზე, განსხვავებული საარჩევნო კაბინები დახვდათ

მეორე ტურზე, ხმის მისაცამედ მისულ ამომრჩევლებს განსხვავებული საარჩევნო კაბინები დახვდათ. კაბინის წინა მხარე, სადაც ამომრჩეველი ჩანს ხმის მიცემისას, ნაწილობრივ ღიაა....

მალავდა „არალეგალურ“ სტამბას – გაიცანი პირველი ფემინისტები

„ ნუ, ფემინისტობ!“, „შენ რა, ბაია პატარაია ხარ?!“ – როგორც წესი, ასეთი ფრაზებით ცდილობენ „მომერიონ“, ქალების უფლებებზე კამათისას. რამდენი რამ...

“კომპანია RMG -ის დაბინძურების არეალი და მასშტაბები საგანგაშო მდგომარეობამდეა გაზრდილი” – მწვანე ალტერნატივა

„მწვანე პოლიტიკის საზოგადოებრივმა პლატფორმამ“ ჰაინრიჰ ბიოლის ფონდის სამხრეთ კავკასიის ბიუროს ფინანსური მხარდაჭერით, კომპანია RMG – ის მუშაობის არეალში, ბოლნისისა და...

რუსთავში არჩევნების ადმინისტრირებას მორიგი გამოცდილი კადრი გამოაკლდა

20 სექტემბერს, რუსთავის საოლქო საარჩევნო კომისიამ სხდომაზე, ოთხი საუბნო საარჩევნო კომისიის წევრისთვის, უფლებამოსილების შეწყვეტის საკითხი განიხილა. ამჯერად არჩევნების ადმინისტრირების ტვირთი,...

მარნეული – საქართველოს მასშტაბით მე-2 ყველაზე დიდი საქონლის ბაზრობა

საქართველოში მაშტაბით მე-2 ყველაზე დიდი საქონლის ბაზრობა მარნეულის მუნიციპალიტეტშია. რეგიონის ყველა რაიონში იციან, რომ მსხვილფეხა პირუტყვის, ცხვრის და ცხენების მყიდველები,...

ქვეყნის ერთიანობისთვის ბრძოლაში დაღუპულ გმირთა მემორიალის ბედი გაურკვეველია

2010 წლის მაისში, ცნობილი გახდა რუსთავის მერიის მიერ საქართველოს ერთიანობისთვის ბრძოლაში დაღუპულ გმირთა მემორიალის შექმნაზე გამოცხადებული კონკურსის შედეგები. ითქვა, რომ...

TDI – სამირა ბაირამოვა პრორუსული, ძალადობრივი, კრიმინალური დაჯგუფების, ალტ-ინფოს მუქარის მსხვერპლია

ტოლერატობისა და მრავალფეროვნების ინსტიტუტი (TDI) სამოქალაქო აქტივისტ სამირა ბაირამოვასთან დაკავშირებით საგანგებო განცხადებას ავრცელებს: ” სამოქალაქო აქტივისტი სამირა ბაირამოვა პრორუსული, ძალადობრივი,...

ევროკავშირი აქტიური ადამიანებისა და საინტერესო იდეების მხარდასაჭერად საქართველოში

2020 წლიდან პროექტის “საზოგადოების ჩართულობაზე ორიენტირებული თვითმმართველობის განხორციელება ფოთსა და აბაშის მუნიციპალიტეტებში” ფარგლებში ფოთისა და აბაშის მუნიციპალიტეტებმა ადგილობრივი საინიციატივო ჯგუფებისა...

მითები და COVID-19

კორონავირუსის გავრცელებასთან ერთად, გაჩნდა მითები, რომლებიც აბნევენ საზოგადოების ნაწილს და ართულებენ ვირუსთან ბრძოლას. მსოფლიო ჯანდაცვის ორგანიზაცია, პასუხობს ყველაზე მეტად გავრცელებულ...

ტრენინგი: გენდერული დისკრიმინაცია შრომით ურთიერთობებში და ქალთა შრომითი უფლებები

ტრენინგი მოიცავს საკითხებს: შრომის უფლების დაცვის ეროვნული და საერთაშორისო კანონმდებლობა - მექანიზმები; დისკრიმინაციის აკრძალვა შრომით ურთიერთობებში, დისკრიმინაციის

პანდემიასთან დაკავშირებით რეგულაციების ნაწილი შეიცვალა

მთავრობის გადაწყვეტილებით თბილისში, რუსთავში, ქუთაისში, ბათუმში, გორში, ზუგდიდში, ფოთსა და თელავში კოვიდ-უსაფრთხოების წესების დაცვის შემთხვევაში, მუშაობას განაახლებენ სავაჭრო ობიექტები, დამატებითი...

Comments
კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *