გარდაბანში „ქართული ოცნების“ დელეგატებმა ადმინისტრაციული რესურსი გამოიყენეს (ვიდეო)

4 ოქტომბერს  გამართულ „გარდაბნობა 2024“-ზე, გარდაბნის მერიის ორგანიზებული ღონისძიებით „ქართული ოცნების“ დელეგატებმა და პარტიულ სიაში მყოფებმა ისარგებლეს.

ღონისძიებაზე სიტყვით გამოვიდნენ და საპატიო გარდაბნელებიც თავად დააჯილდოვეს „ქართული ოცნების“ საარჩევნო, პარტიულ სიაში მყოფებმა: ზაურ დარგალმა, სავალან მირზოევმა და ირაკლი შატაკიშვილმა.

სიტყვით გამოსვლისას, ისინი სცენიდან ავრცელებდნენ  „ქართული ოცნების“ ტრადიციულ გზავნილებს – ე.წ. მშვიდობასა და ღირსებაზე. მათ უკან კი სცენის ეკრანზე, ინფრასტრუქტურული პროექტების კადრები გადიოდა.

ღონისძიებაზე სიტყვით გამოსვლის და საპატიო გარდაბნელების დაჯილდოების შესაძლებლობა, მხოლოდ მმართველ პარტიას ჰქონდა.

საქართველოს საარჩევნო კოდექსი, მუხლი 45: „ აკრძალულია საქართველოს სახელმწიფო ბიუჯეტის/მუნიციპალიტეტის ბიუჯეტის დაფინანსებით ორგანიზებულ ღონისძიებაზე/პრეზენტაციაზე ორგანიზატორის მიერ წინასაარჩევნო აგიტაციის გაწევა. აღნიშნული  ქმედება  ჩაითვლება  ადმინისტრაციული  რესურსების გამოყენებად.“

QvemoQartli.ge

მასალის გამოყენება შეგიძლიათ, მხოლოდ, საიტის მითითებით