26.11.2022 სიღრმისეული ჟურნალისტური ნამუშევრები

ხატისოფელი: სოფლად მცხოვრები ქალები და კოვიდპანდემია

ბოლნისის მუნიციპალიტეტის ხატისოფელში 420 ადამიანი სახლობს, აქედან 105 პენსიონერია, 18 წლამდე მოზარდი კი – 87.  სოფელი ორ ნაწილად არის გაყოფილი: ძველი სოფელი და აჭარლების უბანი, სადაც 80-იან წლების ბოლოს, მთიანი აჭარიდან, სტიქიას გამორიდებული ადამიანები ცხოვრობენ.

გაზაფხულზე სოფელში ინფექციის ერთეული შემთხვევა დადასტურდა, საკარნტინო სივრცეებში კი, როგორც ადგილობრივები გვეუბნებიან, ბევრი  გადაიყვანეს.  

ბოლო ერთ კვირაში სოფელში სამი ადამიანი გარდაიცვალა, აქედან ორი – კოვიდინფექციით. კიდევ ერთი მამაკაცი, ამ დიაგნოზით, მარნეულში კლინიკაში წევს. როგორც სოფლის მედდა ლუდა ანდიაშვილია ამბობს, სამივე პაციენტი ჯანმრთელობის მდგომარეობის გამო [ორი, დიალიზზე იყო] სამედიცინო დაწესებულებაში იყო გადაყვანილი და იქ დაინფიცირდა.

ადგილობრივები ამბობენ, რომ აჭარლების უბანში, სადაც მიცვალებულია დასვენებული, იმ სახლში სამძმარზე არ უშვებენ. გვიხსნიან, რომ არც ქელეხი და არც თავყრილობა არ იქნება, მაგრამ აჭარიდან, დაკრძალვაზე ჩამოსულ, ნათესავებს მშიერს ვერ გაუშვებენ.

ალბათ არ ვიქნებით მიკერძოებული, თუ ვიტყვით, რომ პანდემია ყველას შეეხო, მაგრამ სოფლად მცხოვრებ ქალებს მაინც, ყველაზე მეტად.

19 წლის თაკო გელაძის შვილი ივლისში დაიბადა. გაზაფხულზე, ეპიდემიოლოგიური სიტუაციის გამო, ბოლნისის მუნიციპალიტეტი და ხატისოფელი რომ ჩაიკეტა, თაკო ფეხმძიმედ იყო, რთული ფეხმძიმობა ჰქონდა, თუმცა იმ უტრანსპორტობის გამო ექიმთან სიარულსაც ვერ ახერხებდა.

 „ონლაინკონსულტაციის გვერდი ვიპოვეთ ფეისბუკში და ასე ვეკონტაქტებოდი ექიმს. რამდენჯერმე წამალი დაგვჭირდა, საბედნიეროდ, მოგვაწოდეს“, – საუბრობს  თაკო გელაძე.

„ურთულესი პერიოდი გადავიტანეთ: უტრანსპორტობა,  ჩაკეტვა,  ფეხმძიმე რძალი. მეორე ბიჭიც ექიმთან დადიოდა და მკურნალობა შეწყვიტა. ჩემი ქმარი თბილისში მუშაობდა და კარანტინში აღმოჩნდა, კარგა ხანს ვეღარ ჩამოვიდა სოფელში.  ფაქტობრივად, შემოსავლის გარეშე დავრჩით, მერე მეუღლეს კომპენსაციას, 200 ლარს აძლევდნენ და ამ თანხით ვცხოვრობდით ამხელა ოჯახი. ხან თითო თავი ყველის გაყიდვით გაგვქონდა თავი. რძეც როგორ უნდა გადამენახა, როცა ამდენი ვართ“, – საუბრობს თაკოს დედამთილი, ვარდო შაინიძე.

ადგილობრივი მარიკა ღორჯომელიძეს კი მაშინ მივუსწარით, როდესაც  საქონელს ყანისკენ მიერეკებოდა.

„ახლა ჩემს ქმარსაც სიცხე აქვს, თუმცა ანალიზი არ გაუკეთებია. ჩემი მამამთილი დიალიზზეა. პერიოდულად დადიოდა მარნეულში კლინიკაში. მას კოვიდი დაუდასტურდა.

ჯერ სახლში გვყავდა. ორჯერ მოვიდა სასწრაფო, თუმცა სახლში არ შემოვიდნენ და არც პაციენტი გადაიყვანეს.

მეუღლემ წაიყვანა მამა მანქანით მარნეულში. კლინიკაში არ იღებდნენ, მაგრამ ექიმს უთხრა: რა ვქნა, ეზოში დავტოვო-ო?! ბოლოს, როგორც იქნა, აიყვანეს პალატაში“, – ამბობს მარიკა ღორჯომელიძე.  

ხატისოფელში ერთი წლის წინ აშენდა ამბულატორია, მაგრამ დღემდე ვერ მოხერხდა მისი შემოღობვა, წყლის შეყვანა და აღჭურვა. სოფლის მედდა ლუდა ანდიაშვილიც ადასტურებს, რომ  იძულებულია, ძველებურად კარდაკარ იაროს. ეს კი გართულებულ ეპიდემიოლოგიურ სიტუაციაში დამატებით რისკებს უქმნის, მასაც და სოფლის მოსახლეობასაც.

მართალია მედპერსონალს ორ კვირაში ერთხელ უკეთებენ ტესტს, მაგრამ რიგით მოქალაქეებს, ან 70-140 ლარის გადახდა უწევთ ტესტისთვის ან რიგებში დგომა.

ეპიდემიის გავრცელების საშიშროებას, ხელს უწყობა სოფლის კიდევ ერთი გადაუჭრელი პრობლემა  – უწყლობა. მართალია, ბოლო წლებში თანხები დაიხარჯა სოფლის წყალმომარაგებისთვის, მაგრამ ამან, პრობლემა ვერ მოაგვარა.

„ხშირად დაიბანეთ ხელები, დალიეთ მეტი წყალი, მეტი სითხე“, – პირველი შემთხვევების გამოჩენისთანავე გვაფრთხილებდნენ ეპიდემიოლოგები.

უწყლობითაც განსაკუთრებით ქალების შრომა იზრდება:

„წყალი ორ დღეში ერთხელ მოდის ასე 1-2 საათით. განა რამდენი უნდა ავიღოთ მარაგი?!“ – გვეუბნებიან სოფელში.

ეს პრობლემა თითქმის ყველა უბანში დგას.     

„ეს წყალი დასალევად არც ვარგა, საჭმელშიც ვერ ვიყენებ. ორ-სამ დღეში ერთხელ ბოლნისიდან მოგვაქვს წყაროს წყალი. ჩაკეტილობის დროს ძალიან გაგვიჭირდა. აბა, ხომ ხვდებით, ამხელა ოჯახს რამდენი წყალი სჭირდება?! – ამბობს ვარდო შაინიძე.

მასალა მომზადდა პროექტის “სამუშაოს თანასწორობა: თანასწორი, ინკლუზიური და უსაფრთხო სამუშაო გარემო საქართველოში” ფარგლებში, რომელიც პარტნიორებთან “ქალთა ფონდი საქართველოში”, ორგანიზაცია “უფლებებისა და განათლებისთვის” და “ქვემო ქართლის მედიასთან” თანამშრომლობით, ევროკავშირის მხარდაჭერით ხორციელდება.

თინათინ მოსიაშვილი

QvemoQartli.ge

მასალის გამოყენება შეგიძლიათ, მხოლოდ, ვებ-გვერდის მითითებით

Related Posts

ბოლნისში ISFED-ის რეგიონული ოფისი იწყებს მუშაობას

ქალაქ ბოლნისში  სამართლიანი არჩევნებისა და დემოკრატიის საერთაშორისო საზოგადოების (ISFED) რეგიონალური ოფისი გაიხსნა, რომელიც ფარავს ქვემო ქართლის და მცხეთა-მთიანეთის რეგიონების 11...

კორპორაციული პასუხისმგებლობა ქვეყანაში, სადაც ადამიანი არ არის მთავარი ღირებულება

შვიდ ოქროს წესს მოიცავს კორპორაციული სოციალური პასუხისმგებლობა და ეს წესები, დაცვის შემთხვევაში, ვფიქრობ, ნამდვილ ოქროზე ძვირფასია: ბიზნესის ეთიკურად წარმოება; ადამიანის...

ინტერვიუ რუსთავის “ოპოზიციური საკრებულოს“ თავმჯდომარესთან

ინტერვიუ რუსთავის “ოპოზიციური საკრებულოს“ თავმჯდომარე, ნოდარ შეროზიასთან თანამშრომლობის სირთულეები რუსთავის მერიასთან – კომუნიკაცია მხოლოდ ოფიციალური, წერილობითი ფორმით; ვიწრო პარტიული ინტერესები...

ექიმები ვაქცინაციის შესახებ/Həkimlər peyvənd barədə

კორონავირუსის პანდემიის დაწყებიდან, საზოგადოების გარკვეული ნაწილის ყველაზე დიდ მოლოდინს, ვაქცინის შექმნა წარმოადგენდა. თანამედროვე ტექნოლოგიებისა და მეცნიერების ერთობლივი ძალისხმევით, ვაქცინის დამზადება...

ხშირად დასმული კითხვები COVID-19-თან დაკავშირებით // Covid-19 haqqında tez-tez verilən suallar

1) რა არის კორონავირუსი? კორონავირუსები   ვირუსების  დიდი  ოჯახია, რომელიც   ფიქსირდება   ადამიანასა   და  ცხოველში. ადამიანებში   ცნობილია   კორონავირუსის   რამდენიმე   ტიპი, რომელიც   სასუნთქი  ...

შემოდიან, ათვალიერებენ და გადიან – ბიზნესი უფულოდ დარჩენილ მომხმარებელზე

ქვეყნის პირველი მასშტაბური ჩაკეტვისა და კარანტინის შემდეგ –  ერთ წელზე მეტი გავიდა. ბიზნესის ნაწილმა ვერ გაუძლო პანდემიის დარტყმებს, ნაწილმა კი...

factcheck.ge – პრორუსული გამოცემა „საქინფორმი“ უკრაინაში რუსეთის შეჭრას ყალბი მტკიცებებით ამართლებს

პრორუსული გამოცემა „საქინფორმი“ უკრაინაში რუსეთის შეჭრას ყალბი მტკიცებებით ამართლებს ვერდიქტი: ყალბი ამბავი 2022 წლის 3 მარტს, პრორუსულმა გამოცემა „საქინფორმმა“ უკრაინაში...

მეზობლების ახალი წელი

„Camping Azerbaijan“- არის აზერბაიჯანში მოქმედი ეკო-ტურისტული სააგენტო. ისინი იქნებოდნენ არაფრით გამორჩეულები, რომ არა მათი მაღალი სოციალური პასუხისმგებლობა. სააგენტო, რომელიც ტურებს...

რუსთავის საარჩევნო უბნებს კომისიის წევრები კვლავ ტოვებენ – საოლქოს ხელმძღვანელი უკმაყოფილებას ვერ მალავს

4 სექტემბერს, რუსთავის საოლქო საარჩევნო კომისიაში მორიგი სხდომა გაიმართა. კომისიამ სამი საკითხი განიხილა: (1) რუსთავის შემდეგ საუბნო საარჩევნო კომისიებში წევრების...

„წინწყაროს საკვირაო სკოლას“ თეთრიწყაროს ადგილობრივმა ხელისუფლებამ და ახალგაზრდულმა ცენტრმა უმასპინძლა

ორგანიზაცია „ქვემო ქართლის მედია“ სათემო ფონდ “კოდორი 2013”-თან პარტნიორობით, თეთრიწყაროს მუნიციპალიტეტის სოფელ წინწყაროში ახორციელებს პროექტს: „სოფელ წინწყაროს ადგილობრივი ბიზნესი, თვითმმართველობა...

ინდექსის მიხედვით გარდაბნის საკრებულო ხარჯებთან დაკავშირებით ინფორმაციას სრულყოფილად არ აქვეყნებს

ადგილობრივი თვითმმართველობის ინდექსის 2021 კვლევის მიხედვით  გარდაბნის მუნიციპალიტეტის საკრებულოს 53%-იანი შედეგი აქვს. თვითმმართველობის გამჭვირვალობისა და ანგარიშვალდებულების ინდექსის კვლევა სამ ძირითად...

„საქართველოს სასამართლოს გუშაგის“ ინიციატივით სასამართლოს გუშაგთა ქსელი შეიქმნა

დღეს „საქართველოს სასამართლოს გუშაგის“ ინიციატივით სასამართლოს გუშაგების ქსელის  შეხვედრა გაიმართა რუსთავში. შეხვედრას სასამართლო თემით დაინტერესებული აქტიური მოქალაქეები ესწრებოდნენ, რომლებმაც პროექტში...

სარწყავი წყლის უქონლობა, მოუწესრიგებელი ცენტრალური და შიდა გზები – მთის ძირის უძირო პრობლემები

გარდაბნის მუნიციპალიტეტის “მთის ძირი”-ს დასახლება ემეზობლება, როგორც რუსთავს ასევე თბილისს. მას ზოგჯერ მოიხსენიებენ, როგორც სოფელს ციხეებთან, რადგან #6 და #5...

რუსთავის, გარდაბნის და მარნეულის მოსახლეობას თვითმმართველობებისგან საჯარო ინფორმაცია სრულფასოვნად არ მიეწოდება

ადგილობრივი თვითმმართველობის ინდექსის კვლევა სამი ბლოკისგან შედგება, საჯარო ინფორმაციის პროაქტიული გამოქვეყნება, ელექტრონული მმართველობა და მოქალაქეთა მონაწილეობა და ანგარიშვალდებულება. სტატიაში ქვემო...

რუსთავს ახალი წლის “ლამაზად” შეხვედრა 114 482 ლარი დაუჯდა

საახალწლო სამზადისის დაწყებისას, რუსთავის ადგილობრივი ხელისუფლების წარმომადგენლები აცხადებდნენ, რომ ყველაფერს აკეთებენ იმისთვის, რომ რუსთაველები „ლამაზად“ შეხვდნენ ახალ წელს. ახლა, როდესაც...

Comments
კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *