რუსთავში საუბნო საარჩევნო კომისიის წევრმა უფლებამოსილების შეჩერება ითხოვა
რუსთავის #20-ე საოლქო საარჩევნო კომისიაში მორიგი სხდომა გაიმართა. სხდომაზე განსახილველად ორი საკითხი დასახელდა: რუსთავის #45-ე საუბნო საარჩევნო კომისიის წევრის (ცესკოს არჩეული/დანიშნული) მელანო მჭედლიშვილის უფლებამოსილების შეჩერება და აღნიშნულ პოზიციაზე კონკურსის გამოცხადება.
![](http://qvemoqartli.ge/wp-content/uploads/237286620_985337522305420_784472118907471554_n-ink.jpeg)
მჭედლიშვილთან დაკავშირებით, კომისიის წევრებს განუცხადეს რომ მან უფლებამოსილების შეჩერება ითხოვა და შესაბამის განცხადებაში მიზეზად „ოჯახური პრობლემები“ დაასახელა. უფლებამოსილების შეჩერებას კომისიამ მხარი დაუჭირა. ასევე, კომისიის წევრებმა მხარი დაუჭირეს, 45-ე საარჩევნო უბანზე ახალი წევრის შესარჩევად კონკურსის გამოცხადებას.
კონკურსის მიმდინარეობის თარიღებად 23-24 აგვისტო დასახელდა.
მორიგი სხდომა, რუსთავის საოლქო საარჩევნო კომისიაში 24 აგვისტოს, 19:00 საათზეა ჩანიშნული.
QvemoQartli.ge
მასალის გამოყენება შეგიძლიათ, მხოლოდ, საიტის მითითებით