რუსთაველ სპორტსმენ გოგონებს სტრესის მართვის შესახებ ესაუბრნენ
„სტრესის დადებითი და უარყოფითი შედეგები – მასთან გამკლავების გზები“ – ამ სახელწოდების შეხვედრა გაიმართა დღეს „ ქვემო ქართლის მედიის“ რუსთავის ოფისში. შეხვედრას ფსიქოლოგი თამარ გოგოლაძე უძღვებოდა.
ღონისძიებას რუსთავის გოგონათა საკალათბურთო გუნდის „რუსთავი”-ს წევრები ესწრებოდნენ. ფსიქოლოგმა სპორტსმენებს სტრესის მართვის შესახებ მიაწოდა ინფორმაცია. ისაუბრა სტრესის წყაროებზე ათლეტებისთვის, რომელიც შესაძლოა იყოს:
- ოჯახური, აკადემიური, სოციალური ფაქტორები
- მწვრთნელთან და თანაგუნდელებთან ურთიერთობის სირთულეები
- გუნდში როლების ბუნდოვანი განაწილება
- ათლეტის შესრულების მიმართ არარეალური ან ბუნდოვანი მოლოდინები
- შეზღუდული დრო
- გამუდმებული კრიტიკული უკუკავშირი
- შეცდომებისადმი ხისტი დამოკიდებულება
- პერფექციონიზმი
- მარცხის შიში
- წარმატების ლიმიტირებული განსაზღვრება
შეხვედრაზე განიხილეს სტრესის მართვის სავარჯიშოებიც. ასევე, სტრესის დადებით ფაქტორად გარდაქმნის ტექნიკები – რაც მის გამოწვევად აღქმას გულისხმობს. ამასთან ერთად, ფსიქოლოგის პრეზენტაციის დიდი ნაწილი მოიცავდა ინფორმაციას სტრესის უარყოფით გავლენაზე, როგორც ფიზიკურ ასევე მენტალურ ჯანმრთელობაზე.
ღონისძიება, გაიმართა პროექტის ფარგლებში „ Her home – ქვემო ქართლში ქალთა ფსიქოლოგიური და სამართლებრივი მხარდაჭერის ცენტრის შექმნა“, რომელსაც „ქვემო ქართლის მედია – QvemoQartli.ge” ახორციელებს „ქალთა ფონდი საქართველოში“ ფინანსური მხარდაჭერით.
112 – გადაუდებელი დახმარების ცენტრი
14-81 სახალხო დამცველის აპარატის ცხელი ხაზი
116-006 ოჯახში ძალადობისგან დაცვის ცხელი ხაზი
QvemoQartli.ge