14.08.2022 სიღრმისეული ჟურნალისტური ნამუშევრები

თვითმმართველობის სისტემა ქალების ჩართულობის გარეშე

კვლავ დაბალია მუნიციპალიტეტების მართვაში ქალების ჩართულობა. შესაბამისად, ადგილობრივ დონეზე არა ერთი მნიშვნელოვანი საკითხი, რომელიც პირდაპირ კავშირშია საზოგადოების კეთილდღეობასთან, მოუგვარებელი რჩება. დღემდე სოფლების ნაწილი არსებობას განაგრძობს საბავშვო ბაღების გარეშე, მაშინ როდესაც თანხები სისტემატიურად იხარჯება სარიტუალი შენობების კეთილმოწყობისთვის. აქვე, მნიშვნელოვანია ვახსენოთ, რეგიონში მცხოვრები საზოგადოების შიში – გააკრიტიკოს თამამად ხელისუფლება, რომელსაც ამ და სხვა მრავალი პრობლემის მოგვარება ევალება.

სინანულით ვწერთ და სულ უფრო მეტად ვრწმუნდებით იმაში, რომ საქართველო ვერ გამოვიდა ჰიბრიდული დემოკრატიის ქვეყნებიდან. დღეს, ჩვენ ქვეყანაში კრიტიკული აზრის დაფიქსირების შიში არა ერთ მოქალაქეს აქვს. ჩვენი მცირე რედაქცია და სხვა მედიასაშუალებებში მომუშავე კოლეგებიც ხედავენ, რომ ჩართულ კამერასთან და ჩამწერთან, მოსახლეობის დიდი ნაწილი, პრობლემებზე საუბარს უფრთხის. მე თუ მკითხავთ, ამაზე დიდი პრობლემა ვერც ერთი ინფრასტრუქტურული გამოწვევა ვერ იქნება. განსაკუთრებით ერიდებიან მედიასთან ურთიერთობას ადამიანები, რომელებიც საჯარო უწყებებში მუშაობენ, ან ამ უკანასკნელში ახლობლები ეგულებათ, დასაქმებული. შედეგად სულ უფრო იკლებს, საზოგადოების კონტროლი ხელისუფლების მიმართ, რომელიც რეალურად ამ საზოგადოების სამსახურში უნდა იდგეს.

მიუხედავად ამ სირთულისა, ერთ-ერთი მკითხველის თხოვნით, ჩვენ მიმდინარე წელს, უკვე ხელმეორედ ვესტუმრეთ გარდაბნის მუნიციპალიტეტის სოფელ ფოლადაანთკარს.

სოფელი ფოლადაანთკარი, დასახლებად 2008 წლიდან დაარეგისტრირეს. მანამდე, მეტალურგიული ქარხნის „დაჩების“ სახელით იყო ცნობილი. სოფელში ამ ეტაპზე 500-მდე ოჯახი ცხოვრობს. ადგილობრივების უმეტესობა, რუსთავში ან თბილისშია დასაქმებული, ნაწილი კი სოფლის მეურნეობას მისდევს.

მოსახლეობა გვიხსნის, რომ სოფლის მთავარ პრობლემას, მოუწესრიგებელი ინფრასტრუქტურა წარმოადგენს. ფოლადაანთკარში არ არის საკანალიზაციო სისტემა. წლებია, სოფლის შიდა გზები ასფალტის საფარის გარეშეა დარჩენილი. ადგილობრივების თქმით, გზა მხოლოდ სკოლისკენ მიმავალ ცენტრალურ ქუჩაზეა დაგებული.

 

„ აქ არ გვაქვს საბავშვო ბაღი, მიუხედავად იმისა რომ დასახლებაში უკვე საკმაოდ ბევრი, ბაღის ასაკის ბავშვია. ასევე, არ გვაქვს აფთიაქი და ამბულატორია. ბევრი არ ლაპარაკობს პრობლემებზე, რადგან ეშინიათ.. მეც მეშინია“– ამბობს, დასახლების ერთ-ერთი ქუჩის მცხოვრები. გვიხსნის, რომ სოფელს არ აქვს მოწესრიგებული შიდა გზები, რის გამოც წვიმიან ამინდში გადაადგილება უჭირთ. „პანდემიის გამო ის ავტობუსიც აღარ დადის, რომელსაც დავყვებოდით. ვისაც სახლში მანქანა ჰყავს იმას რა უჭირს, მაგრამ სხვამ რა ქნას ?!“, – პირველი მცდელობაზე ჩავიწეროთ მისი სახელი და გვარი, რესპონდენტი საუბარს წყვეტს.

ვისთანაც მეტ-ნაკლებად ხანგრძლივი კომუნიკაცია გვაქვს, გვიყვება რომ სოფელში ქალის „მოვალეობაში“ შედის, როგორც ბავშვების, მოხუცების და ყველა ოჯახის წევრის მოვლა, ასევე ბოსტნის და საქონლის მიხედვა. მათი ნაწილი ფიქრობს, რომ ეს ასეც უნდა იყოს და უკვირს, ახალი თაობის ქალებმა „რატომ მოიძულეს“ სოფელი.

ფოლადაანთკარში ვიგებთ, რომ ადგილობრივი დონის საჭირბოროტო საკითხების მოგვარებას, კაცები „თავობენ.“ კითხვას, იქნებ იმიტომ არ მიდის სოფლების და ალბათ, მთელი ქვეყნის საქმე წინ, რომ ყველაფერს მხოლოდ კაცები წყვეტენ – ჩვენი რესპონდენტები გაოცებით პასუხობენ.

მანამ სანამ სოფლებში და არა მხოლოდ, საშინაო შრომის ტვირთი სათანადოდ გადანაწილდება და ჩვენი ძვირფასი ქვეყანა გადმოვა ჭეშმარიტი დემოკრატიის გზაზე, ვცდილობთ, ფოლადაანთკარის პრობლემებზე, ადგილობრივი ხელისუფლების ინფორმაციას გადავხედოთ.

გარდაბნის მუნიციპალიტეტის მერიას ინფრასტრუქტურის სამსახურის ხელმძღვანელი ვახტანგ  გაგუა:

„ დიდი პრობლემა იდგა, ცენტრალური ქუჩის გამოსასვლელზე, მიწის გზა იყო  და რაც ყველაზე პრიორიტეტული იყო ის აღმოფხვრილია, დანარჩენი ეტაპობრივად გაკეთდება. რაც შეეხება  საკანალიზაციო სისტემას მანდ ფიზიკურად არ არსებობს. მარტო რაიონი ვერ მოერევა იმხელა საქმეა და იმხელა ღირებულებასთან არის დაკავშირებული. სამინისტროდან დახმარება თუ არ გაგვიწიეს, ჩვენ ფიზიკურად მაგხელა სოფლის კანალიზაციის მოწყობის სამუშაოებს ვერ განვახორციელებთ. სამომავლოდ მაგასაც გავითვალისწინებთ, ეტაპობრივად.

შესულები ვართ მაგ სოფელში, დაინტერესება არის. მანდ ადრე არ ცხოვრობდა ბევრი ხალხი, ახლა და ახლა შეივსო და ფუნქციონირდება, ჩვენც შეძლებისდაგვარად ვდებთ ინვესტიციას.“

საბავშვო ბაღთან დაკავშირებით კი საიმედო არაფერია. გაგუას განცხადებით,  ფოლადაანთკარში საბავშვო ბაღის მოწყობა, ამ ეტაპზე, არ იგეგმება.

და სწორედ, ამ საკითხზე ჩვენ გაგვახსენდა ის ტენდენცია, რომ თანახმადაც სოფლად და ქალაქადაც, მნიშნველოვანი საქმეების მოგვარება კაცებს აბარიათ. იმ კაცებს, რომლებიც ხშირ შემთხვევაში, არც ბაღის ასაკის შვილის მოვლის გამო რჩებიან განათლების, სამსახურის გარეშე და არც სხვა საშინაო შრომა აწევთ მხრებზე.

 

QvemoQartli.ge

მასალის გამოყენება შეგიძლიათ, მხოლოდ, საიტის მითითებით

 

Related Posts

დეცენტრალიზაციის მომავალი/Desentralizasiyanın gələcəyi

დეცენტრალიზაციის სტრატეგია 2020-2025 მიზნად ისახავს, უზრუნველყოს საქართველოს კონსტიტუციით აღიარებული პრინციპების რეალიზება  და ადგილობრივი თვითმმართველობის თანმიმდევრული განვითარება, აქციოს დეცენტრალიზაცია უწყვეტ, მიზანმიმართულ...

ადამიანის უფლებები საქართველოში

ადამიანის უფლებათა ცენტრის 2018 წლის ანგარიში  საერთაშორისოდ აღიარებული ადამიანის უფლებების ჭრილში მიმოიხილავს საქართველოში 2018 წელს განვითარებულ მოვლენებს. ანგარიშის ყურადღების ცენტრშია:...

რუსთავის მერობის კანდიდატი: „ამომრჩევლებზე ფსიქოლოგიური ზეწოლა ხდება“

„ევროპული საქართველოს“ რუსთავის მერობის კანდიდატი ნინო იმედაშვილი აცხადებს, რომ დღეს, მთელი დღის მანძილზე, რუსთავის სხვადასხვა საარჩევნო უბნებთან,  ამომრჩევლებზე ზეწოლა ხდებოდა....

სოფელ გამარჯვებაში ნეპოტიზმი იმარჯვებს?! / Qamarcveba kəndində nepotizm qələbə çalır?!

გარდაბნის მუნიციპალიტეტის სოფელ გამარჯვებაში 4 670 ადამიანი ცხოვრობს. მათი უმრავლესობა სოფლის მეურნეობაშია ჩართული. ზოგი კი მუნიციპალურ თუ კერძო სამსახურშია დასაქმებული....

რის ფასად დაუჯდება რუსთავს და სოფელ თაზაქენდს “რუსთავის ფოლადის” ახალი გეგმები (ვიდეო)

სულ მინდოდა პირადად მენახა ის ადამიანები, რომლებიც ისედაც მენდელეევის ფორმულად ქცეულ რუსთავის ჰაერს, კიდევ მეტად აბინძურებენ, ან გასცემენ ნებართვებს და...

„განახლებული რეგიონები“ და მმართველი გუნდის კანდიდატების საარჩევნო კამპანია

[ნინო ლაცაბიძე ინფრასტრუქტურის მინისტრთან ერთად „განახლებული რეგიონების“ ფარგლებში მიმდინარე სამუშაოებს ეცნობა] 26 აპრილს, პრემიერ-მინისტრმა ირაკლი ღარიბაშვილმა ქვეყნის მასშტაბით 63 მუნიციპალიტეტში...

„ალტ ინფოსა“ და ქვემო ქართლის ტელევიზია TV4-ს შორის დადებული ხელშეკრულება

ორგანიზაციამ Mediaombudsman / მედიაომბუდსმენი კომუნიკაციების კომისიისგან თავისი წერილის საპასუხოდ, მიიღო ინფორმაცია დოკუმენტზე, რომელზე დაყრდნობითაც დაიწყო თანამშრომლობა „ალტ ინფოსა“ და TV4-ს...

უფლებადამცველები ცესკოსთან ძალოვანი უწყებების ქმედებებზე

8 ნოემბერს ოპოზიციამ პარლამენტთან საპროტესტო აქცია გამართა, რომელზეც მთავრობას მოსთხოვა ხელახალი არჩევნების დანიშნვა, ცესკოს თავმჯდომარის გადადგომა და პოლიტპატიმრების გათავისუფლება. მოთხოვნების...

„წყალი, ადამიანის უფლებები და ადვოკატირება“ – ტრენინგი მარნეულისა და დმანისის უფროსკლასელებისთვის

UNICEF-ისა და ევროკავშირისა მხარდაჭერით მიმდინარე პროექტების „ახალგაზრდები უკეთესი WaSH-სთვის“ (წყალი, სანიტარია და ჰიგიენა) და „წყალი სიღარიბის აღმოსაფხვრელად“ ფარგლებში, ადამიანის უფლებათა ცენტრი...

მოსახლეობა ჯანდარის ტბაზე ბადით თევზაობის უფლებას ითხოვს

გარდაბნის მუნიციპალიტეტის სოფელ ლემშვენიერაში 1987 წელს, სვანეთის სტიქიის შედეგად ჩამოსახლებული მოსახლეობა ცხოვრობს. დასახლებაში ერთმანეთის მსგავსი ერთი და ორსართულიანი სახლებია. ოდესღაც...

დმანისი – ქვემო ოროზმანის პრობლემები [ვიდეო]

დმანისის რაიონ სოფელ ქვემო ოროზმანში ბუნებრივი აირის, სატრანსპორტი გზის და სასმელი წყლის პრობლემაზე საუბრობენ. სოფლის მოსახლეობის თქმით, მათთვის პრობლემას საძოვრებიც...

ახალ სამგორში არსებული ნაგავსაყრელი, რომელიც ნარჩენების ნაწილს სოფელს „უბრუნებს“ / Yeni Samqoridə yerləşən, tullantıların bir qismini kəndə “geri qaytaran” zibillik

გარდაბნის მუნიციპალიტეტის სოფელ ახალ სამგორს, ბოლო რამდენიმე წელია ცხოვრება ეკოლოგიური პრობლემების პირისპირ უწევს.  ადგილობრივების მთავარ თავსატეხს, მყარი ნარჩენების მართვის კომპანიის...

უკრაინის ქალაქ მარიუპოლში საოკუპაციო ძალებმა სამშობიარო სახლი და ბავშვთა ჰოსპიტალი დაბომბეს

რუსეთის სამხედრო ძალებმა სამხრეთ უკრაინის ქალაქ მარიუპოლში სამშობიარო სახლი და ბავშვთა ჰოსპიტალი დაბომბეს. დანგრეულია ბავშვთა და სამშობიარო განყოფილებები. უკრაინის ხელისუფლების...

270 000 ლარის ბედი გადასაწყვეტია

5 მარტს რუსთავის საკრებულოს სხდომაზე განხილული საკითხების შესახებ ჩვენ საკრებულოს თავჯდომარის მოადგილე, კახა ბარათაშვილი ესაუბრა. – მთავარი საკითხი რაც განვიხილეთ...

“რეგისტრატორები ამომრჩევლების აღიცხვას აწარმოებენ” – საჩივრები მე-16 და მე-17 საარჩევნო უბნებზე

რუსთავის მე-16 და მე-17 საარჩევნო უბნებზე საჩივრები ორგანიზაცია “სამოქალაქო პლატფორმა 20-20”- ის წარმომადგენლებმა დაწერეს. საჩივრების თანახმად, რეგისტრატორები ცალკე ფურცლებზე ინიშნავენ...

Comments
კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *