29.06.2022 სიღრმისეული ჟურნალისტური ნამუშევრები

გარდაბნის მუნიციპალიტეტი – მთავრობის გადაწყვეტილებების გავლენა მუსლიმთა ცხოვრებაზე

რამდენადაც სამარცხვინო არ უნდა იყოს, ვაღიარებ – საკმაოდ სოლიდურ, ნამდვილად, არა საბავშვო ასაკში გავიგე ქრისტიანობის გარდა სხვა რომელი რელიგიები არსებობს და როგორი გაგება აქვთ სამყაროსი. შევიძინე მეგობრები, რომლებიც ღმერთთან საუბრისას პირჯვარს არ იწერდნენ. ხელის გულებს ამოაბრუნებდნენ ცისკენ და ისე ლოცულობდნენ. ცხადია, ჩვენ ღმერთებს განსხვავებული სახელები ერქვათ – სალოცავი სახლი, დღესასწაულები, წესები გვქონდა განსხვავებული. საერთო კი იყო ის, რომ ჩვენ ყველას გვჭირდებოდა და ახლაც გვჭირდება, ამ „ღმერთების“ არსებობა.

გვაერთიანებს იმედი, რომ იმქვეყნად მაინც არსებობს სამართალი და ის, რომ ლიმიტირებული 80-90-100 წლის გარდა, კიდევ გვაქვს სიცოცხლე. ერთნაირად გვანუგეშებს რწმენა, რომ ადამიანი რომელიც გვიყვარდა და წავიდა, არ გამქრალა. იმედი იმისა, რომ იმქვეყნადაც გველიან  – მე ქრისტიანს და ჩემ მუსლიმ მეგობრებს, ერთნაირად გვახარებს.

პირად ამბებზე, რომ არ გადავიდე, გადავალ სტატიის მთავარ თემაზე. ვწერთ იმაზე, თუ როგორ აისახა მთავრობის გადაწყვეტილებები ქვემო ქართლში მცხოვრებ მუსლიმებზე.

თემაში გარკვევა, საკითხზე მომზადებული  ანგარიშებით და განცხადებებით დავიწყე.

პანდემიასთან დაკავშირებით, მთავრობის მიღებულ გადაწყვეტილებებზე, არადომინანტი რელიგიური გაერთიანებების, პირველი გულის ტკივილი – შობის ღამეს უკავშირდება.

პრემიერ მინისტრის განკარგულებით, ჩვენ მართლმადიდებელ მრევლს მოგვეცა შესაძლებლობა, შობის ღამეს შეკრების და ე.წ კომენდატის საათის დარღვევის. უფრო სწორად, რომ ჩამოვაყალიბო, შობის ღამეს ეს შეზღუდვა, გამონაკლისის სახით, გააუქმეს. მსგავსი რამ, არც ერთი სხვა რელიგიის დღესასწაულისთვის არ გაკეთებულა.

გვინდა გულისტკივილით აღვნიშნოთ, რომ პანდემიასთან დაწყებული ბრძოლის კონტექსტში, დისკრიმნაციული მიდგომის არა ერთ გამოვლინებასთან გვქონდა საქმე, – თუკი დომინანტური რელიგიური გაერთიანებისა და მისი მესვეურებისთვის არ მოქმედებდა შეკრებასა თუ გადაადგილებასთან დაკავშირებით თითქმის არანაირი შეზღუდვა, საპირისპიროდ, თითქმის ყველა ტიპის შეზღუდვა იყო დაწესებული არადომინანტური რელიგიური ჯგუფებისთვის – გამონაკლისს სოციალური მსახურების განსახორიელბლად გაცემული რამდენიმე სამანქანო საშვი წარმოადგენდა. იმ შემთხვევაში თუ დასაშვებია, მრავალრციხოვანი მართლამიდიდებელი ეკლესიის მრევლისთვის გათვალისწინებული იქნას დღესასწაულის აღნიშვნის აუცილებლობა, სრულიად გაუგებარია, რა მოტივით უნდა შეიზღუდოს რელიგიური შეკრება და სადღესასწაულო მსახურება არადომინანტური რელიგიური გაერთიანებებისთვის? ამ კუთხით, საქართელოს კანომდებლობა რაიმე უპირატესობის მინიჭებას არ ითვალისწინებს“, – ამ განცხადებას ხელს აწერენ: ქართველ მუსლიმთა კავშირი, სრულიად საქართველოს მუსლიმთა უმაღლესი სასულიერო სამმართველო, ევანგელისტური ეკლესია, ევანგელურ-ბაპტისტური ეკლესია, სახარების რწმენის ეკლესია, აჰმადია მუსლიმთა გაერთიანება, ევანგელური ეკლესია სიცოცხლის სიტყვა, მეგობრთა საზოგადება – კვაკერები, სვედენბორგის რელიგიური საზოგადოება, დახსნილ ქრისტიანთა საღვთო ეკლესია და ხსნის არმია.

მთავრობის გადაწყვეტილებას სახალხო დამცველიც გამოეხმაურა, რომელმაც განაცხადა, რომ კორონავირუსთან დაკავშირებული ეს რეგულაციები, შესაძლოა, დისკრიმინაციული იყოს არადომინანტი რელიგიური გაერთიანებების მიმართ.

მთავრობის გადაწყვეტილება, ცალსახად დისკრიმინაციულად მიიჩნია სამოქალაქო სექტორმაც.

ტოლერანტობისა და მრავალფეროვნების ინსტიტუტი (TDI):

უკიდურესად საგანგაშოდ და შემაშფოთებლად მიგვაჩნია საქართველოს ხელისუფლების ბოლოდროინდელი დამოკიდებულება რწმენისა და რელიგიის თავისუფლების ფუნდამენტური უფლების მიმართ. ხელისუფლება სულ უფრო ინტენსიურად ხელყოფს რელიგიის თავისუფლებას, უგულებელყოფს თანასწორუფლებიანობის პრინციპს და აღრმავებს დისკრიმინაციას რელიგიურ ჯგუფებს შორის.

მიმდინარე წელს, პანდემიის ფონზე, კიდევ უფრო ნათლად გამოჩნდა სახელმწიფოს რელიგიური პოლიტიკა, რომელიც არღვევს სეკულარობისა და თანასწორუფლებიანობის პრინციპებს, ლახავს არადომინანტური რელიგიური ჯგუფების უფლებებს, ავლენს დისკრიმინაციულ დამოკიდებულებას განსხვავებული რელიგიური მრწამსის ადამიანების მიმართ.    

ადამიანის უფლებების სწავლებისა და მონიტორინგის ცენტრი (EMC):

აღსანიშნავია ისიც, რომ როგორც პანდემიის პირველი ტალღის მიმდინარეობისას გაზაფხულზე, ასევე დღეს მოქმედი რეგულაციების დაწესებისას საქართველოს მთავრობას არ გაუმართავს კონსულტაციები რელიგიური ორგანიზაციების წარმომადგენლებთან (გარდა მართლმადიდებელი ეკლესიისა). სწორედ გადაწყვეტილების მიღების ამგვარმა არადემოკრატიულმა ფორმამ და არადომინანტური რელიგიური ჯგუფების ინტერესის გამოტოვებამ, ხელი შეუწყო სახელმწიფოს მოქმედების მიმართ რელიგიური ორგანიზაციების უნდობლობის გაღრმავებას და სამართლებრივი სახელმწიფოს პრინციპების დარღვევას განაპირობებს.

***

როდესაც ჩვენი კოლეგები, ქვემო ქართლში მცხოვრებ მუსლიმებზე წერენ, როგორც წესი, მარნეულს სტუმრობენ. ჩვენ კი ამ მასალაზე მუშაობისას, მედიაში ერთ-ერთ ყველაზე ნაკლებად გაშუქებულ, გარდაბნის მუნიციპალიტეტს ვირჩევთ.

ქალაქ გარდაბნის მეჩეთში მცირე სამშენებლო სამუშაოები მიმდინარეობს. ადგილობრივები გვიხსნიან, რომ აქ წინათ პატარა მეჩეთი იყო, რომელიც ახლა გადააკეთეს და უფრო მასშტაბური სალოცავი ადგილი მოაწყვეს. მეჩეთის ეზოში, სამშენებლო საქმეში ჩართულ, ფაღრატ ალიევს შევხვდით. იგი შეეცადა მეჩეთის მოლასთან ჩვენ დაკავშირებას, თუმცა ამ საქმიდან არაფერი გამოვიდა. ჩვენც ფაღრატს და ადგილობრივებს ვესაუბრებით.

ფაღრატი მორწმუნე ადამიანია. ცდილობს, როგორც პანდემიასთან დაკავშირებულ ჩვენ ინტერესს, ასევე ისლამთან დაკავშირებულ კითხვებს უპასუხოს. ეს უკანასკნელი ჩემი პირადი ინტერესიდან გამომდინარეობს და ამ თემაზე, შემდეგ გამორთული ჩამწერითაც, პირად საუბარს გავაგრძელებთ.

მეჩეთის კართან და გალავანთან არაბულად შესრულებული წარწერებია. მიხსნის, რომ კართან ღმერთის 99 სახელი წერია და წარწერაა, „კარი სამოთხისკენ“. 

„ როგორც სხვებს შეუშალა ხელი პანდემიამ ასევე, შეგვიშალა ჩვენც. ეს ხომ საერთო პრობლემაა. ჩვენ პარასკევის ტრადიციულ ლოცვაზე ვერ ვიკრიბებით, არ გვაქვს უფლება. გვითხრეს, რომ სახელმწიფოს მხრიდან არის აკრძალული. ზოგადად ჩვენ, ჯუმალ ამალის დროს/პარასკევის ლოცვისას, ერთმანეთთან ახლოს, ერთგვარ რიგად გვიწევს ყოფნა და ისე ვლოცულობთ. მე როგორც ვიცი ეკლესიაში, როცა ლოცულობენ შეუძლიათ ცალ-ცალკე დგომა, ჩვენთან კი ამ ლოცვაზე ასე არ ხდება.

ისე კი ყველას შეუძლია მეჩეთში, შეკრების გარეშე,  შესვლა და ლოცვა, ორი მეტრის დაშორებით ერთმანეთისგან.

როგორ გითხრათ, ღმერთი ამბობს, პარასკევ დღეს ერთად შეიკრიბეთ და ილოცეთ-ო. ასე არის ჩვენი რელიგიით. ისლამურ სახელმწიფოებში ამ დღეს ისვენებე. ჩვენ არ ვართ ისლამურ სახელმწიფოში, ამიტომ რა წესებიცაა იმას უნდა დავემორჩილოთ.

ერთი დღესასწაული გვქონდა, ათი დღის წინ. ჩვენ მას ყოველ წელს აღვნიშნავათ. ამჯერად კორონა პანდემიის გამო ვერ აღვნიშნეთ.

ჩვენ არავიზე არ ვართ ნაწყენები. ეს პანდემია ყველას შეეხო. ჩვენ კმაყოფილი ვართ მთავრობის. რაც გვჭირდება ყველაფერს აკეთებენ ჩვენთვის. 57 წელია აქ ვცხოვრობ და ჩვენ ხელისუფლებისგან პრობლემა არასდროს გვქონია. თუ ამბობენ, რომ პანდემიის გამო ამ წესების დაცვაა საჭირო ე.ი ასეა საჭირო. ირანშიც ასე იცავენ ამ წესებს და აქაც“, – საუბრობს ადგილობრივი ფაღრატ ალიევი.

მეჩეთს ვათვალიერებთ. ცალკეა ქალებისთვის განკუთვნილი სალოცავი სივრცე. ამ ადგილისკენ იქვე მოწყობილ, შიდა კიბეს ავყავართ. მეჩეთის შიგნიდან ორი გუმბათი ჩანს. ერთი სარკეებითაა მორთული, ცენტრში ვარსკვლავია გამოსახული. მე, როგორც თანამედროვე სელფების სამყაროდან მოსულს,  სელფის გადაღების სურვილი მიჩნდება, მაგრამ მეშინია ჩემს თანამგზავრს არ ვაწყენინო და არ ვამხელ.

ზუსტად ვერ მივხვდი იცოდა, თუა არა ფაღრატმა, რომ შობის ღამეს ჩვენ მართლმადიდებლებს გვქონდა შესაძლებლობა, აღგვენიშნა დღესასწაული შეკრებით და კომენდატის საათის “დარღვევით”.  საუბრისას ეს არ უხსენებია და ხაზს უსვამდა იმას, რომ შეზღუდვები ყველასთვის დაწესდა.

ამ მეჩეთში, სხვა ადგილობრივს ჯეიგუნ ალიევსაც გავიცნობთ. ჯეიგუნი, შემდეგ გზა აბნეულს, გარდაბნის ერთ-ერთ ქუჩაზე მნახავს, [ჩემი მატყუარა ნავიგაციის სისტემის წყალობით] და ნაზარლოს მეჩეთისკენ გამიძღვება, მანამდე კი ასეთ კომენტარს გააკეთებს.

„ როგორც ექიმები გვირჩევენ ისე ვაკეთებთ.

დავდივართ ვლოცულობთ – ერთი პარასკევს არ გვაქვს შეკრების, ერთად ლოცვის უფლება. სხვა მხრივ ყველაფერი ჩვეულებრივადაა. ეს ღვთის სახლია და მისი კარი ყველასთვის ღიაა“, – საუბრობს გარდაბნელი ჯეიგუნ ალიევი.

სოფელი ნაზარლო

როგორც უკვე გწერდით ჯეიგუნი ნაზარლოს მეჩეთისკენ გამიძღვა. ნაზარლოში დაგვხვდა ძველი და მის გვერდზე აგებული ახალი მეჩეთიც. სამწუხაროდ, მოლა აქაც არ დაგვხვდა ადგილზე და მოუცლელობის გამო, მასთან საუბარიც ვერ მოხერხდა.

თუმცა ზუსტად ვერ ვიტყვი ნამდვილად მოუცლელობას, თუ მედიასთან ურთიერთობის სურვილის ნაკლებობას აქვს ადგილი, საზოგადოების ამ ნაწილში. რადგან შემდეგ უკვე, გარდაბნის მუნიციპალიტეტის სოფელ აღთაკლიაში, ადგილობრივ მეჩეთში, რომელიც როგორც მითხრეს იმამ ხუსეინის სახელობისაა, ახუნდი/მოლა სატელეფონო საუბარზეც არ დამთანხმდება. მას ადგილობრივები დაურეკავენ, ეტყვიან რომ ჟურნალისტია და მასთან საუბარი სურს, თუმცა მოუცლელობას დაუსახელებს მიზეზად და არ დამელაპარაკება.

თუ მოვა ახუნდი ფაიაზ შახვერდიევი, მას ადვილად იცნობთ, ახალგაზრდა „რიჟა“ კაცია- ო, მიხსნიან ადგილობრივები, თუმცა მე მას, ცხადია, ჩასაფრებას არ ვუწყობ და მეჩეთში მყოფ ახალგაზრდებს ვესაუბრები.

სოფელი აღთაკლია

ვხვდები, რომ აქ ცოტა სხვა წესებია. ჩემი რესპონდენტი ფაიკ ეიუბოევი მეუბნება, რომ მისი საუბარი არ ჩავიწერო. მას ურჩევნია ისე დამელაპარაკოს. ინტერვიუს ხელით ვიწერ. იმდენი ხანია კლავიატურის გარეშე არაფერი ჩამიწერია, ფაქტიურად, იეროგლიფებით ვიწერ მის სიტყვებს.

„ ხალხი აღარ დადის პანდემიის გამო. წინათ 30-40 ადამიანი მაინც დადიოდა. ახლა ასე არ არის, ხუთი-ექვსი თუ მოვა.

ეს მეჩეთი, მე რამდენადაც ვიცი 2002 წელს აშენდა.

მე ვფიქრობ, რომ კორონავირუსის გადადების მხრივ აქ, ლოცვა არ არის საშიში, რადგან ჩვენთან ლოცვამდე „დეშთა მაზი“ ხდება, ანუ ჩვენ ვიბანთ ხელებს, პირს – ასევე, ვიხდით ფეხზე და ისე შევდივართ სალოცავად.

წყენა გვაქვს თუ არა მთავრობის დაწესებული, რომელიმე შეზღუდვის გამო? არა, ჩვენ არანაირი წყენა არ გვაქვს“, – საუბარს ასრულებს, ფაიკ ეიუბოევი.

გარდაბნის მუნიციპალიტეტში, სულ ცოტათი მაინც, მუსლიმთა განწყობების გასაცნობად, მუშაობას ვაგრძელებთ.

ჩემი მატყუარა ნავიგაციის სისტემის წყალობით, სამჯერ შემოვუარე გარდაბნის მუნიციპალიტეტის სოფელ ყარაჯალარის მეჩეთს და ბოლოს, როგორც იქნა, მის წინ აღმოვჩნდი.

ამჯერად მიმართლებს, ყარაჯალარის მეჩეთის იმამი ხალილოვ იდააიატ ხალილოღლუ საუბარზე გვთანხმდება.

„ ლოცვა დღის განმავლობაში ხუთჯერ სრულდება. აქ ვინც შემოდის ყველასთვის აუცილებელია პირბადის ტარება და დისტანციის დაცვა, ისე როგორც მთავრობა გვთხოვს. ჩვენ არ გვქონდა პარასკევს შეკრების უფლება, თუმცა ეს ახლახანს შეიცვალა და ახლა უკვე გვაქვს პარასკევს შეკრების და ლოცვის უფლება. დარეკეს და გვითხრეს, რომ ამისი უფლება უკვე გვაქვს.

წინათ აქ პატარა მეჩეთი იყო, ვერ ვეტეოდით. ახლა ავაშენეთ [ადგილზე მცირე სამშენებლო სამუშაოები ამჟამადაც მიმდინარეობს] აქ, ახალგაზრდებიც დადიან აქტიურად.

ჩვენი რელიგია ისეთია, რომ ვინც სათავეში დგას, ჩვენ მას ვუჭერთ მხარს. არჩევნებზეც .. ჩვენ ადამიანს კი არ ვიცავთ, ჩვენ ვიცავთ ქვეყნის დროშას. ჩვენ მხარს ვუჭერთ მთვარობას, ვინც არ უნდა იყოს მთავრობაში ჩვენ მას ვუჭერთ მხარს. დღეს ივანიშვილია და ივანიშვილს ვუჭერთ მხარს. ხვალ მარკოსიანი იქნება, ჩვენ მასაც დავიცავთ, რადგან ჩვენ ვექვემდებარებით სახელმწიფოს. ჩვენ ქართული სახელმწიფო ფულს გვიხდის, აქ არის ქართული მუსულმანური საზოგადოება.

მათ მოგვცეს შესაძლებლობა ამ მეჩეთის აშენების და თანხებიც გადმორიცხეს“, – საუბრობს, ყარაჯალარის მეჩეთის იმამი ხალილოვ იდააიატ ხალილოღლუ.

გარდაბნის მუნიციპალიტეტში აშენებული, თუ მშენებარე მეჩეთების ფონზე, რთულია საუბარი იმაზე, რომ სახეზეა არადომინანტი რელიგიური გაერთიანებების უფლებების შელახვა. თუმცა ჩემს გონებაში, ორი კითხვა ვერ ისვენებს: არის თუ არა მთავრობის კრიტიკის შიში საზოგადოებს ამ ნაწილში? შეუძლიათ, რომ შიშის გარეშე ისაუბრონ იმაზე რაც აწუხებთ? მე მჯერა, რომ გამოწვევებზე ღიად საუბარი/მსჯელობა არის, სწორედ, სახელმწიფოს გვერდში დგომა და მცდელობა, ერთმანეთის განსხვავებული შეხედულებების პატივისმცემელი საზოგადოების შექმნის.

მასალა მომზადდა პროექტის “ნარატივების რადიკალიზაციის პრევენცია და მათზე რეაგირება საქართველოში” ფარგლებში, რომელსაც მედიის განვითარების ფონდი STRIVE Global program-ის ფარგლებში ახორციელებს.

მანონ ბოკუჩავა

QvemoQartli.ge

მასალის გამოყენება შეგიძლიათ, მხოლოდ, საიტის მითითებით

Related Posts

ბოლნისში ISFED-ის რეგიონული ოფისი იწყებს მუშაობას

ქალაქ ბოლნისში  სამართლიანი არჩევნებისა და დემოკრატიის საერთაშორისო საზოგადოების (ISFED) რეგიონალური ოფისი გაიხსნა, რომელიც ფარავს ქვემო ქართლის და მცხეთა-მთიანეთის რეგიონების 11...

რუსთავში არჩევნების ადმინისტრირებას მორიგი გამოცდილი კადრი გამოაკლდა

20 სექტემბერს, რუსთავის საოლქო საარჩევნო კომისიამ სხდომაზე, ოთხი საუბნო საარჩევნო კომისიის წევრისთვის, უფლებამოსილების შეწყვეტის საკითხი განიხილა. ამჯერად არჩევნების ადმინისტრირების ტვირთი,...

თიბისი დამწყებ ფერმერებს ახალ პროდუქტს სთავაზობს (R)

ქვეყანაში მეხილეობისა და მეხორცული მიმართულებით მეფრინველეობის განვითარების მიზნით თიბისი ახალ პროექტს იწყებს და ამ სფეროში დამწყებ ფერმერებს ფინანსურ რესურსს სთავაზობს....

factcheck.ge – დეზინფორმაცია: ვიქტორია ნულანდმა უკრაინის ტერიტორიაზე ბიოლოგიური იარაღის არსებობა დაადასტურა

უკრაინაში რუსეთის სამხედრო ფართომასშტაბიანი ომის პარალელურად გრძელდება უკრაინის წინააღმდეგ დეზინფორმაციისა და პროპაგანდის გამოყენებით საინფორმაციო შეტევა. ამჯერად, სოციალურ ქსელში გავრცელდა მტკიცებები,...

3 წლის წინ დაწყებული სარწყავი სისტემის რეაბილიტაციის პროექტი, რომლის შედეგად სოფელმა წვეთი წყალი ვერ მიიღო

2016 წლის ბოლოს, სოფელ ხიხანის და არა მხოლოდ ამ სოფლის, არამედ მარნეულის მუნიციპალიტეტის 1 300 ჰექტარი სასოფლო-სამეურნეო მიწის მონაკვეთის სარწყავი სისტემის უზრუნველყოფისთვის, დაიწყო „საუკუნის პროექტი.“

რუსთავში სანიაღვრე სისტემის მოსაწესრიგებლად 1 მილიონ ლარამდე დაიხარჯა, თუმცა ქალაქი უხვნალექს მაინც ვერ უმკლავდება

2015 წლის 23 მარტს, რუსთავში ქალაქის სანიაღვრე სისტემების მოსაწესრიგებლად 960 000 ლარის ღირებულების პროექტის პრეზენტაცია გაიმართა. მაშინ რუსთავის ადგილობრივი ხელისუფლება...

სახელმწიფომ აქტიური პოლიტიკა უნდა გაატაროს სამოქალაქო ინტეგრაციის მიმართულებით – სახალხო დამცველი

16 და 17 მაისს, დმანისში ადგილობრივ მოსახლეობას შორის ძალადობრივ ინციდენტებს, შეფასებებითა და რეკომენდაციებით სახალხო დამცველი გამოეხმაურა. ქვეყნის მთავარი უფლებადამცველი აცხადებს,...

მთავრობის წინასაარჩევნო პროექტი რუსთაველების ჯიბეს ვერ მოერგო

უკვე, ორი შაბათ-კვირაა რუსთავში პატარა ბაზრობები იმართება. თეთრი კარვებისგან შემდგარ ბაზრობაზე ბოსტნეული, ხორცი, ბურღულეული, ხილი და კონსერვები იყიდება. ,, ფასები...

საარჩევნო პლაკატებში ჩაფლულ ქესალოში სასმელად ვარგის წყალს ნატრობენ

გარდაბნის მუნიციპალიტეტის სოფელ ქესალოში მოსახლეობა სასმელი წყლის ხარისხს უჩივის. ადგილობრივების თქმით, ისინი უკვე წლებია, წყალს ან ყიდულობენ, ან ქალაქ გარდაბნიდან...

IRI – არჩევნების შედეგების შეჯამების პროცედურები არ იყო საკმარისად გამჭვირვალე და ხელსაყრელი იმისთვის, რომ არჩევნების შედეგები სანდოდ იქნეს მიჩნეული

IRI – არჩევნების შედეგების შეჯამების პროცედურები არ იყო საკმარისად გამჭვირვალე და ხელსაყრელი იმისთვის, რომ არჩევნების შედეგები სანდოდ იქნეს მიჩნეული საერთაშორისო...

შრომის კოდექსში შესულ ცვლილებებს ქვემო ქართლის საჯარო, სამოქალაქო და კერძო სექტორი გაეცნო

საქართველოს პარლამენტმა, პლენარულ სხდომაზე მესამე მოსმენით, 82 ხმით, მიიღო ცვლილებები საქართველოს შრომის კოდექსში. სწორედ აღნიშნულ ცვლილებებთან დაკავშირებით, ონლაინ შეხვედრა ქვემო...

სამოქალაქო ორგანიზაციებისა და მედიასაშუალებების წერილი შარლ მიშელს

დიდი მადლობა თქვენ და ევროკავშირის ელჩს იმ ძალისხმევისა და უწყვეტი ჩართულობის გამო, რასაც თქვენ საქართველოში კანონის უზენაესობისა და ძირითადი თავისუფლებების...

აუქციონის გარეშე ჩატარებული ტენდერი და ტექნიკური მოთხოვნა, რომელსაც მხოლოდ ერთი კომპანია გაუმკლავდა

QvemoQartli.ge რუსთავის მერიას ორი კითხვით მიმართა, პირველი რატომ ჩაატარა ორ მილიონზე მეტის ღირებულების შესყიდვაზე მერიამ ტენდერი აუქციონის გარეშე? და რა ლოგიკით გამოთვალა სატენდერო პირობებში ჩაწერილი 7 925

#გავიგუდეთ

მსხვილი საწარმოები რუსთავის ცხოვრების ნაწილია. მიუხედავად იმისა, რომ საწარმოები ყველაზე დიდი დამსაქმებლები არიან, ამ მედალს ორი მხარე აქვს. ამ მეორე...

„ბორკილები“ ციხის პერსონალისთვის

კვლევა „პენიტენციური სისტემის პერსონალი“ მოამზადა ორგანიზაციამ „ინიციატივა მოწყვლადი ჯგუფების რეაბილიტაციისათვის.“ [ავტორი ნატალია ცაგარელი] კვლების ძირითადი მიგნებები: კანონმდებლობაში აქცენტი კეთდება მხოლოდ...

Comments
კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *