04.12.2022 სიღრმისეული ჟურნალისტური ნამუშევრები

გარდაბანი, მარნეული, ბოლნისი – პარტიები კვლავ არ ენდობიან ქალებს

მაშინ, როდესაც ხელისუფლება აქტიურად საუბრობს ქალთა უფლებებზე, საჭიროებაზე რომ გაიზარდოს ქალთა მონაწილეობა ქვეყნის პოლიტიკურ ცხოვრებაში, თითქმის ყველა არჩევნებზე ვხედავთ, რომ გადაწყვეტილების მიმღებ პოზიციებზე, ერთეული შემთხვევების გარდა, მათი საარჩევნო სიები მამაკაცებით არის დაკომპლექტებული. ამ ტენდენციას  ოპოზიციური პარტიებიც იზიარებენ.

2017 წლის ადგილობრივი თვითმმართველობის არჩევნების შედეგებით, საკრებულოების შემადგენლობაში ქალებმა პროპორციული ადგილების 19.59 %, ხოლო მაჟორიტარული მანდატების მხოლოდ 8% მოიპოვეს.

რა გველის 2021 წლის თვითმმართველობის არჩევნებზე?

საკითხი QvemoQartli.ge-მ რეგიონის სამი მუნიციპალიტეტის მაგალითზე შეისწავლა. გენდერულ ჭრილში გავეცანით გარდაბნის, მარნეულის და ბოლნისის მუნიციპალიტეტში პარტიების მიერ წარმოდგენილ მაჟორიტარობის კანდიდატებს.

ადგილობრივ დონეზე არჩევნებში პარტიის შედეგები, მეტწილად, მერობის კანდიდატებსა და მაჟორიტარ კანდიდატებზეა დამოკიდებული. არჩევნების მოგების ტვირთი სწორედ მათზეა. ეს ადამიანები, საუკეთესო შემთხვევაში, აქტიურად ხვდებიან ამომრჩეველს, აცნობენ სამომავლო გეგმებს და ხმების მისაღებად, გასცემენ დაპირებებსაც.

რაზე მეტყველებს პარტიების მიერ წარდგენილი გარდაბნის, მარნეულის და ბოლნისის მაჟორიტარი კანდიდატების სიები?

აღმოჩნდა, რომ სამივე მუნიციპალიტეტში მმართველმა პარტიამ მაჟორიტარობის კანდიდატებად მხოლოდ კაცები წარადგინა. უკეთეს შედეგზე ვერც ოპოზიციური პარტიები გავიდნენ – მათაც ქალთა მცირე წარმომადგენლობა შემოგვთავაზეს. ობიექტურობისთვის უნდა ითქვას, რომ მაჟორიტარი კანდიდატების რაოდენობის მხრივ, ოპოზიციას, მმართველ გუნდთან შედარებით, ისედაც ნაკლები კანდიდატი ჰყავს წარდგენილი.

პრობლემები, ცხადია, არ არის მხოლოდ თვითმმართველობებში ქალთა წარმომადგენლობის კუთხით.

საქართველოში ქალები ამომრჩეველთა 53,76%-ს შეადგენენ, საკანონმდებლო ორგანოში 16%-ია ქალი. მაშინ როცა ამომრჩეველთა 46,24%-ს კაცები შეადგენენ და ისინი პარლამენტში 84%- ით არიან წარმოდგენილნი.

„ ქვეყანაში არსებული მუდმივად ცვალებადი პოლიტიკური გარემო, მყიფე პოლიტიკური პარტიები და მათი მხრიდან არათანმიმდევრული გადაწყვეტილებები, ვერ იქნება იმის გარანტი, რომ მომდევნო არჩევნებზე ქალები მეტად ან, თუნდაც, იმავე რაოდენობით იქნებიან წარმოდგენილნი. აქედან გამომდინარე, თუ ქვეყანაში გენდერული ბალანსის დაცვის სავალდებულო მოთხოვნა საკანონმდებლო დონეზე არ მოწესრიგდება, სტაბილური თანასწორობა ვერასოდეს მიიღწევა და ის ყოველთვის დამოკიდებული იქნება გარკვეულ პოლიტიკოსთა კეთილ ნებაზე” – ვკითხულობთ „საქართველოს ახალგაზრდა იურისტთა ასოციაციის“ კვლევაში.

პრობლემას ვერ ცვლის დაწესებული ფინანსური სარგებელიც, რომლის თანახმადაც საარჩევნო სუბიექტი, რომელიც პროპორციული სიის ყოველ ათეულში სქესთა შორის ბალანსს დაიცავს და 30% განსხვავებულ სქესს წარმოადგენს, დამატებით 30%-იან დაფინანსებას მიიღებს.

ქვეყნის პოლიტიკურ ცხოვრებაში ქალთა ჩართულობაზე როდესაც ვსაუბრობთ, როგორც წესი, ყურადღებას სამ საკითხზე ვამახვილებთ: ადამიანის უფლებები, თანასწორობა და ამომრჩეველთა ხმა.

ადამიანის უფლებები  – ქალს, ისევე როგორც კაცს, აქვს თანაბარი უფლება, მონაწილეობა მიიღოს თავისი ქვეყნის მართვაში.

თანასწორობა  – მაშინ, როდესაც მსოფლიო მოსახლეობის სქესთა შორის ბალანსი არის დაახლოებით თანაბარი (50/50), ქალებსა და კაცებს თანაბრად ეკუთვნით მონაწილეობა და პასუხისმგებლობის აღება სახელმწიფოს მართვაში.

ამომრჩეველთა ხმა  – როდესაც ამომრჩევლის ნახევარი არის ერთი სქესის წარმომადგენელი, მაგრამ ის პროპორციულად არ არის წარმოდგენილი პოლიტიკაში, არ ისმის ამომრჩევლის ამ ნაწილის ხმა. შედეგად, ამ ჯგუფის პრობლემების პოლიტიკაში გათვალისწინება არ ხდება.

და ბოლოს, არაერთმა კვლევამ აჩვენა, რომ იმ ქვეყნებში, სადაც ქალები პოლიტიკაში მეტად არიან წარმოდგენილნი, მეტი ყურადღება ეთმობა ჯანდაცვისა და სოციალურ საკითხებს, განათლებასა და ბავშვთა პრობლემებს. ასევე, ქვეყნებში, სადაც ქალები მაღალი პროცენტით არიან წარმოდგენილნი პოლიტიკის სხვადასხვა სფეროში, უმჯობესდება მოსახლეობის ეკონომიკური მდგომარეობა.

 

ავტორი: მანონ ბოკუჩავა

სტატია ქვეყნდება პროექტის „გამჭვირვალე არჩევნები და მედია“ ფარგლებში. ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.

 

QvemoQartli.ge

მასალის გამოყენება შეგიძლიათ მხოლოდ საიტის მითითებით.

Related Posts

ეროვნული ხსნის კომიტეტი მოკრძალებულად დაფუძნდა

27 მარტს რუსთავში ეროვნული ხსნის კომიტეტი დაფუძნდა. რუსთაველის №30-ში კომიტეტის დელეგატებმა მოიყარეს თავი. ღონისძიებას ძირითადად შუა ხნის მოქალაქეები ესწრებოდნენ. ,,...

საქართველოს რთული გზა ელექტრონულ მმართველობამდე / Gürcüstanın elektron idarəçiliyə gedən çətin yolu

საჯარო მმართველობის რეფორმა საქართველოში 2015 წელს დაიწყო. რეფორმის ერთ-ერთი მიზანი ელექტრონული მმართველობის განვითარება და სახელმწიფო სერვისების ელექტრონიზაცია არის. სწორედ ამ...

კოდა – დევნილი ქალები წყალს ითხოვენ

თეთრიწყაროს მუნიციპალიტეტის სოფელ კოდაში, 2008 წლის რუსეთ-საქართველოს ომის შედეგად, დევნილად ქცეულთა კომპაქტური დასახლებაა. დევნილობას, რომელიც კონკრეტული ოჯახების ტრაგედიით და მასობრივი...

122 აქტივობიდან სრულად, მხოლოდ, 55 შესრულდა – საჯარო მმართველობის რეფორმა / 122 fəallıqdan yalnız 55 fəallıq tam həyata keçirilib – dövlət idarəçilik islahatı

საჯარო მმართველობის რეფორმის 2019-2020 წლის სამოქმედო გეგმის ვადა ამოიწურა და საჭიროა ახალი სტრატეგიის შემუშავება, რომელიც ხელს შეუწყობს საჯარო მმართველობის გამჭვირვალობას,...

„როგორ მოიქცევა ონლაინ გაკვეთილზე და დაუჯერებს კი მასწავლებელს?!“ – ქალების შრომის ტვირთი პანდემიისას (ვიდეო)

კორონავირუსის პანდემიის პირობებში, მრავალი სფერო, ახლებური მიდგომისა და დღის წესრიგის შეცვლის, საჭიროების წინაშე დადგა. პანდემიის დაწყებიდან მალევე, ბევრმა კერძო თუ...

სოფელი ჯორჯიაშვილი – პროტესტის მცირე შედეგი და უცვლელი დიდი პრობლემა

მოსახლეობის აღწერის ბოლო მონაცემებით, თეთრიწყაროს მუნიციპალიტეტის ჯორჯიაშვილის დასახლებაში 721 ადამიანი ცხოვრობს. სოფელი, დღეს, წყლის პრობლემის წინაშე დგას.ადგილობრივები მართავენ აქციებს, ჰყვებიან...

ახალ სამგორში არსებული ნაგავსაყრელი, რომელიც ნარჩენების ნაწილს სოფელს „უბრუნებს“ / Yeni Samqoridə yerləşən, tullantıların bir qismini kəndə “geri qaytaran” zibillik

გარდაბნის მუნიციპალიტეტის სოფელ ახალ სამგორს, ბოლო რამდენიმე წელია ცხოვრება ეკოლოგიური პრობლემების პირისპირ უწევს.  ადგილობრივების მთავარ თავსატეხს, მყარი ნარჩენების მართვის კომპანიის...

წალკის მუნიციპალიტეტის საბიუჯეტო ორგანიზაციების ტენდერებს ამავე უწყებების დირექტორის სიძის კომპანია იგებდა

მალხაზ ზოიძე ააიპ წალკის მუნიციპალიტეტის კეთილმოწყობის სამსახურის დირექტორია.  წალკის მუნიციპალიტეტის კეთილმოწყობის სამსახურში მოსვლამდე,  2012-2015 წლებში, მალხაზ ზოიძე წალკის მუნიციპალიტეტის წყალმომარაგების სამსახურის...

საწარმოების პირისპირ – რუსთავში ქარხნების სიახლოვეს მცხოვრები ქალების გამოწვევები და საჭიროებები

წინამდებარე დოკუმენტი წარმოადგენს კვლევას, რომელშიც გაანალიზებულია რუსთავში საწარმოთა საქმიანობის ზეგავლენა ქალების ცხოვრებაზე. ასევე, წარმოდგენილია რეკომენდაციები  თვითმმართველობის, ცენტრალური ხელისუფლებისა და მსხვილი...

“განსაკუთრებით ბევრი დარღვევა მარნეულის საარჩევნო უბნებზე დაფიქსირდა”- ადამიანის უფლებათა ცენტრი

ორგანიზაცია „ადამიანის უფლებათა ცენტრი“ არჩევნების დღის მონიტორინგს ახორციელებდა ქვემო ქართლის რეგიონში. საარჩევნო მარათონის დასრულების შემდეგ, ცენტრმა გაანალიზა დარღვევების მასშტაბი, მათი...

COVID-19 და დეზინფორმაცია/COVID-19 və yanlış məlumat

დეზინფორმაცია, თანამედროვე სამყაროში, ვირუსულად ვრცელდება და იგი COVID-19-თან დაკავშირებულ ყველა ასპექტს შეეხო: საიდან და როგორ წარმოიქმნება ვირუსი, როგორ გადადის, თუ...

ყოველ მეხუთე ადამიანს უსაფრთხო წყლის უფლება ეზღუდება

საქართველოში ყოველ მეხუთე ადამიანს უსაფრთხო სასმელ წყალზე ხელი არ მიუწვდება, ხოლო უსაფრთხო სანიტარიულ სერვისებს ქვეყანაში მოსახლეობის მხოლოდ ¼ იყენებს. მსოფლიო...

ქვემო ქართლის საზოგადოებრივ ორგანიზაციებს ფინანსების მართვასთან დაკავშირებით დამხმარე რესურსები გააცნეს

მარნეულში გაიმართა  „სამოქალაქო საზოგადოების ინსტიტუტი“-ს მიერ მომზადებული ორი მნიშვნელოვანი ფინანსური სახელმძღვანელოს – საზოგადოებრივი ორგანიზაციების საგადასახადო გარემოს კვლევის შედეგების და  საზოგადოებრივი...

43 წლის ფატიმა შაიბაზოვა დახმარებას ითხოვს

რუსთავში, ინტერნატების დასახლების ყოფილი პოლიკლინიკის შენობაში 43 წლის ფატიმა შაიბაზოვა ცხოვრობს. ის ამბობს, რომ ოჯახური ძალადობის მსხვერპლია. შაიბაზოვას საცხოვრებელი ,,ბინა”  3კვ.მეტრია....

ბიო ჩაი და თევზის წარმოება – მწვანე ეკონომიკის მხარდაჭერა საქართველოში

სხვადასხვა კულტურებთან ერთად, საქართველოში ჩაის მოყვანის მრავალსაუკუნოვანი ტრადიცია არსებობს. შოთა  კოპალიანი ცაგერის რაიონის სოფელ ჭალისთავში ცხოვრობს. მას ჩაის დამზადების კულტურა...

Comments
კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *